Naka home quarantine na ang driver kag konduktor sang ceres bus nga ginsakyan sang COVID-19 positive nga nagpauli sa banwa sang San Dionisio, Iloilo.
Sa interview sang Bombo Radyo kay Janice Orihinal, administrative manager sang Vallacar Transit Iloilo, iya ginpahayag nga ang bus nga ginsakyan sang COVID-19 positive ang temporaryo nga wala gingamit bangud padayon ini nga gina-disinfect.
Suno kay Orihinal, ang driver kag konduktor ang wala pa makuhaan sang swab sample for COVID-19 testing.
Indi man mapat-od ni Orihinal kun pila sa 16 ka mga pasahero ang naka close contact sang lalaki.
Nagpangabay man ini sa mga pasahero nga kun nagpakuha sang swab sample, hulaton anay nga magguwa ang resulta antes nga magguwa sa balay ukon sa quarantine facility sa diin kinahanglan nga sundon ang 14 day quarantine.
