Ginpasakaan na sang kaso nga Unjust Vexation ang driver nga nangyawyaw sa traffic enforcer sa dalan sa Iznart sa Brgy. Magsaysay, Iloilo City Proper.
Ang driver sang motorsiklo amo ang 42-anyos nga residente sang San Antonio, Molo, Iloilo City.
Sa interview sang Bombo Radyo kay Police Lieutenant Romelo Tabuyoc, Hepe sang Iloilo City Police Station (ICPS) 1, iya ginpahayag nga gindakop sang traffic enforcer ang driver bangud wala sang helmet ang backrider sini.
Kasunod sini, nagbuya sang indi maayo nga tinaga ang driver sang motorsiklo kag ginpakahuy-an ang traffic enforcer, rasin nga gin-citizen arrest ang driver kag gindala sa ICPS 1.
Suno kay Tabuyoc kag santo sa pahayag sang traffic enforcer, makapila na ka beses nga ginsita ang driver antes ini nagpangyawyaw.
