Nagpa-ticket na ang driver sang convoy nga ginapahayag nga sakay si Philippine National Police (PNP ) chief General Rommel Marbel matapos nga naglabay sa EDSA Bus way.
Ginkumpirma ni PNP spokesperson Brig. General Jean Fajardo nga mga matag-as nga opisyal sang kapulisan ang sakay sang convoy.
Wala na lamang sini ginmitlang ang pangalan sang mga opisyal.
Padulong sa Camp Crame ang convoy bangud nga may yara sang closed-door meeting nga patigayunon kun sa diin kinahanglan ang presensiya sang mga opisyal.
Dugang sini,matapos nga madul-ong ang mga opisyal sang PNP, nagbalik ang driver sang convoy kag sila ang nagpaticket sa Department of Transportation-Special Action and Intelligence Committee for Transportation (DOTr-SAICT).
Nagpabilin man ang mga escort nila nga naka-motorsiklo bilang pagpasiguro nga mabalik ang mga drivers sang convoy.
Handa man ang mga ini magpaathag tuhoy sa natabo.
Nahibaluan nga hugot nga ginadumili ang paglabay sa EDSA Busway kun sa diin limitado lamang ini sa mga matag-as nga opisyal sang gobyerno kaangay sang Presidente sang Pilipinas,
Vice President of the Philippines, Senate President, Speaker of the House of Representatives, kag Chief Justice of the Supreme Court.
