ILOILO CITY – Pilason ang duha ka mga driver matapos nga nabungguan sang motorsiklo ang trisikad driver sa Barangay Sta. Filomina, Arevalo, Iloilo City.
Sa interview sang Bombo Radyo kay Jason Juaquin, 22 anyos sang Abilay Sur Oton, Iloilo, kag driver sang motor, iya ginpahayag nga gintinguhaan pa niya nga likawan ang pagliko sang trisikad nga ginamaneho ni Lionel Romano, 49 anyos sang Mohon, Arevalo,Iloilo City apang nalab-ot kag nabungguan niya ini.
Suno kay Juaquin, indi man madasig ang iya nga pagpadalagan kag wala man siya sa impluwensya sang makahulubog nga ilimnon.
Gilayon naman nga gindapatan sang nagakaigo nga pagbulong ang duha ka mga lalaki.
