ILOILO CITY- Ginbawian gid sang kabuhi ang duha ka sakay sang motorsiklo matapos naaksidente sa Sitio Tigidan, Cabladan, Sibalom, Antique.
Ang mga biktima amo sanday Renan Sulangon, 19 anyos, driver kag angkas nga 13-anyos nga menor de edad nga si alyas Christopher, lunsay residente sang Brgy. Agricula, San Remigio,Antique.
Sa imbestigasyon sang Sibalom Municipal Police Station, naglapaw sa gutter ang motorsiklo nga ginasakyan sang mga biktima kag naglampos gid ang ila lawas sa semento nga gintunaan sang ila kamatayon.
