ILOILO CITY – Patay ang driver sang motor samtang pilason ang angkas sini matapos nga nakabunggo ang ginasakyan sa nasugata nga ambulansya sa Barangay Guihaman, Leganes, Iloilo.
Ang driver sang motorsiklo amo si Jeni Fort Villegas 36, sang New Lucena, Iloilo.
Ang back rider naman amo si Junie Lon Villegas, 44, sang amo man nga lugar.
Sa interview sang Bombo Radyo sa driver sang ambulansya nga si Ariel Quindipan, iya ginpahayag nga halin sila sa banwa sang Pototan, Iloilo kag padulong kuntani sa syudad sang nag-counterflow ang isa ka motor nga nasugata nila.
Na-alang alang ang driver sang motor kag nakabunggo sa kilid sang driver’s seat sang ambulansya.
Nakabunggo naman sa ambulansya ang nagasunod nga kotse.
Wasak gid ang helmet nga ginasuksok sang duha.
Ginapahayag nga madasig ang pagpadalagan sang driver sang motorsiklo.
