Patay ang 23-anyos nga lalaki matapos nga naigo sang tubo nga karga sang isa ka angkar-angkar sa Barangay 6 Poblacion,Tigbauan, Iloilo.
Ang biktima amo si Alex Tacuel,23-anyos,sang Brgy. Igdampog Sur,Tubungan, Iloilo, samtang ang driver sang angkar-angkar amo si Mark Veladiez, 32-anyos,sang Brgy. Rizal- Tuguisan,Guimbal,Iloilo.
Sa interview sang Bombo Radyo kay Police Captain Alfred Mansoy, hepe sang Tigbauan Municipal Police Station, iya ginpahayag nga wala natalupangdan sang driver sang motor nga nagatabok ang angkar-angkar nga may karga nga GI pipe sa nasambit nga dalan nga ginakabig nga blind spot.
Sang nag-overtake ang driver sang motorsiklo, nalab-ot gid sang tubo ang liog sini.
Suno kay Mansoy, gindala pa sa hospital ang driver sang motorsiklo, apang gindulaan gid ini sang kabuhi.
Preso subong sa Tigbauan Municipal Police Station ang driver sang angkar-angkar.
