Patay ang driver sang motorsiklo nga involved sa vehicular accident sa Brgy. Talanghauan, Cabatuan, Iloilo samtang ginabulong sa ospital.
Ang biktima amo si Alyas Bert, 44-anyos, residente sang Brgy. Calayo, Cabatuan, Iloilo, samtang ang driver sang pick up truck nga involved sa aksidente amo si Alyas William, 52-anyos, residente sang Brgy. Quintin Salas, Jaro, Iloilo City.
Sa interview sang Bombo Radyo kay Police Captain Aileen Lacrite, Hepe sang Cabatuan Municipal Police Station (MPS), iya ginpahayag nga padulong sa banwa sang Cabatuan ang motorsiklo samtang ang pick ang naga u-turn pakadto sa direksyon sang Sta. Barbara.
Suno sa natungdan, possible wala matalupangdan sang driver sang pick up ang nagapadulong nga motor rason nga nagbungguanay ini.
Nakaagum ini sang patal nga pilas sa iya wala nga kamot kag tiil, kag may suksok man nga helmet ang biktima.
Ara naman sa kustodiya sang Cabatuan MPS ang driver sang pick up samtang wala pa sang pinal nga desisyon ang pamilya sang biktima.
