𝗜𝗟𝗢𝗜𝗟𝗢 𝗖𝗜𝗧𝗬 – Ginapatihan nga may hangover pa ang lalaki nga driver sang SUV nga nakabunggo sa poste sa atubang sang Plaza Libertad sa JM Basa Street, Iloilo City Proper.
Ang biktima nga ginpahinago lang ang pangalan ang naga-edad sang 27 anyos kag residente sang Negros Occidental.
Sa interview sang Bombo Radyo kay Police Chief Master Sergeant Edward Larrida, imbestigador sa Traffic Enforcement Unit sang Iloilo City Police Office, iya ginpahayag nga nagapanimaho pa sang ilimnon ang biktima sang gin-rescue.
Apang suno kay Larrida, ang Land Transportation Office (LTO) lang ang may yara sang alcohol breath analyzer nga amo kuntani ang makatumod kung ang isa ka indibidwal ang hubog ukon naka-inom sang makahulobog nga ilimnon.
Suno kay Larrida, santo sa ila imbestigasyon madasig ang pagmaneho sang biktima samtang nagapadulong sa General Hughes, Iloilo City Proper.
Apang sang yara na ini sa JM Basa Street, ginpahayag sang biktima nga may nag-overtake sa iya nga motorsiklo rason nga naaksidente ini.
Gilayon naman ini nga gindala sa ospital matapos nag-angkon sang pilas sa kamot kag ulo
