DUMANGAS, ILOILO -Nadakpan na ang driver sang wing van nga nakabunggo sa tatlo ka mag-ulutod nga sakay sa motorsiklo sa Brgy. Sulangan, Dumangas, Iloilo sa diin isa ang patay.
Ang driver sang wing van amo si Elmer Viejo, 30, sang Brgy. Pasil, New Lucena, Iloilo samtang sakay naman sa motorsiklo amo sanday Nico Doronio,19, kag duha niya ka manghod nga naga-edad sang 15 kag 11 anyos.
Sa interview sang Bombo Radyo kay Police Chief Master Sargeant Kim John Banzon, imbestigador sang Dumangas Municipal Police Station, iya ginpahayag nga nagapondo ang motorsiklo sa higad sang dalan sang hinali nga nabunggu-an sang wing van nga ginamaneho ni Viejo.
Santo sa imbestigasyon suno kay Banzon, nagapadulong sa banwa sang Dumangas ang wing van sang natabo ang aksidente.
Ginapahayag nga may yara sang nasumalang nga salakyan ang wing van bag-o na out balance kag nakabunggo sa motorsiklo.
Gilayon nga gindala sa hospital ang tatlo ka mag-ulutod apang ginbawi-an sang kabuhi ang 11 anyos nga biktima.
Gilayon nga nadakpan ang driver sang wing van pagkatapos nga nagpalagyo.
Kaso nga reckless imprudence resulting to homicide, multiple physical injury kag damage to property ang ipasaka sa driver sang wing van.
