Nagpadulong ang pila ka mga drivers kag konduktor sa talatapan sang Metro Iloilo Transport Service Cooperative (MITSCOOP) matapos nga wala sini nila nabaton ang ila nga sweldo.
Sa interview sang Bombo Radyo kay Juby Barretto, Vice President sang Metro Iloilo Transport Service Cooperative, iya ginpahayag nga ang tanan nga ginareklamo sang ila drivers kag konduktor ang ginaplano naman nga solusyunan.
Rason man nga ginpatawag sang talatapan ang ila katapo agud nga maistoryahan kag matapos ang nasambit nga problema.
Suno kay Barretto, maga-release na ang sweldo sang ila empleyado sa subong nga semana matapos nga na-delay.
Gin-athag man sini nga na-delay ang pagsweldo sa ila bangud sang Disyembre, madamo sang holidays kon sa diin, na-short man sa budget ang ila opisina.
Nagpangayo man ang MITSCOOP sang pasensya sa mga konduktor kag driver nga naapektohan sang delayed nga sweldo.
Gin-ako man sang natungdan nga indi nangin suspisyente ang ila kita sang nagligad nga Disyembre.
