ILOILO CITY – Indi pa magamit ang Iloilo City District Engineering Office ang drone agud magtumod sa mga flood prone areas sa tion nga magbubo ang mabaskog nga ulan sa Syudad sang Iloilo.
Sa interview sang Bombo Radyo kay Engr. Heidi Villanueva, Engineer II sang Iloilo City District Engineering Office, iya ginpahayag nga may yara pa sila sang program nga i-download sa internet agud magamit ang nasambit nga drone.
Suno kay Villanueva, wala nagakahulugan nga kun ara na ang drone, gamiton ini gilayon.
Ginpahayag ni Villanueva nga tun-an pa sang maayo ang pagamit sini agud indi maguba.
Sa tion nga mangin functional, makabulig ini agud madasig nga matumod ang mga dalanon sa syudad nga barado sa tion nga magbubo ang ulan.
Sa subong, may yara sang mga deployed personnel ang Iloilo City District Engineering Office agud mag declog sa mga flood prone areas sa syudad kaangay sang Iloilo Terminal Market (Super), distrito sang Mandurriao kag sa Mapa Street Iloilo City.
