ILOILO- Ginpasakaan sang duha ka kaso sang Philippine National Police ang gintudlo drug group leader sa 5th district sang probinsya sang Iloilo nga nadakpan sa buy bust operation sa Sara, Iloilo.
Sa interview sang Bombo Radyo kay Iloilo Police Provincial Office Spokesperson Police Captain Antonio Monreal, iya ginpahayag nga ginpasakaan sang kaso nga paglapas sa section 5 sang Republic Act 9165 ukon Comprehensive Dangerous Drugs Act kag frustrated murder si ames Balsomo alyas Jaguar nga isa ka Sangguniang Bayan Secretary sa nasambit nga banwa.
Suno kay Monreal, ang frustrated murder nga kaso ang may kaangtanan sa pagluthang ni Balsomo sa isa ka katapo sang operatiba nga nagkasa sang buy bust operation.
Nakahospital arrest sa gihapon si Balsomo matapos natiruhan sa dughan kag abaga sang nagbato sa otoridad.
Nahibaluan nga ginakabig nga high value target level si Balsomo kag ginapatihan nga downline sang Odicta Drug Group.
