ILOILO – Gin-ako sang Iloilo Police Provincial Office nga naga amat-amat na nga nagaduging ang pag-gamit sang ilegal nga droga sa probinsya.
Ini matapos ang sinemana nga pagpatigayon sang nanuhay-tuhay nga drug buy-bust operations sa diin nagresulta sa pagkadakop sang mga durugista.
Sa interview sang Bombo Radyo Police Major Rolando Araño, spokesperon sang Iloilo Police Provincial Office, iya ginpahayag nga nagapakig-angot ang mga ini sa Philippine Drug Enforcement Agency agud ma-monitor ang mga nagagamit sang droga.
Suno kay Araño, tuman man ka importante sang koordinasyon sang mga pumuluyo sa kampanya batok sa ilegal nga droga bangud indi lang ini inisyatibo sang Philippine National Police, kundi mangin sang bug-os nga komuniad.
Ginpahayag dugang sang natungdan nga nagapadayon ang pagbantay sang mga kapulisan sa mga fishing ports kag terminals ilabi na sa mga nagahalin sa Negros island.
Samtang, nagapatigayon man ang Iloilo Police Provincial Office sang mga symposiums agud mapasangkad ang ihibalo sang mga pamatan-on sa negatibo nga epekto sang paggamit sang ilegal nga droga.
