ILOILO CITY – Patay ang isa ka drug pusher matapos magbato sa mga otoridad sa ginpatigayon nga buy-bust operation sa Barangay Semirara, Caluya, Antique.
Sa interview sang Bombo Radyo Iloilo, ginpahayag ni Police Chief Insp. Francisco Paguia nga sang Enero pa nila namonitor si Virgilio Bernabe Jr. nga tumandok sang Barangay San Agustin, San Jose, Occidental Mindoro nga nagaduso sang iligal nga droga sa Antique.
Suno kay Paguia, ginpatigayon ang operasyon agud arestuhon si Bernabe apang namutikan sini nga pulis ang iya ka-transaksyon rason nga nag-gabot ini sang armas kag gintiro kag ginpalukpan ang pulis, rason nga nagbalos ang mga otoridad.
Gindala sa Caluya Hospital si Bernabe apang gindeklarar nga dead-on-arrival.
Nakuha sa posisyon ni Bernabe ang P500 nga buy-bust money, tatlo ka sachet sang shabu kag magnum revolver nga may tatlo ka live ammunition.