ILOILO CITY – Patay ang isa ka drug surrenderee matapos ginapahayag nagbato sa mga otoridad sa ginpatigayon nga buy bust operation sa Cabugao Norte, Pavia, Iloilo.
Ini ang ginkilala kay Jelly Talabon Sr., residente sang Barangay Tacas, Jaro, Iloilo City.
Sa interview sang Bombo Radyo Iloilo kay C/Insp. Fernan Limbungan, hepe sang Pavia Municipal Police Station, ginpahayag sini nga nagbato ang nasambit nga drug personality matapos namutikan nga pulis ang nagbakal sa iya sang iligal nga droga apang wala naglupok ang armas sini.
Diri kag ginluthang sang mga otoridad si Talabon kag nakuha ang 11 ka sachet sang shabu, P520 nga buy bust money kag .38 caliber revolver.
Nahibaluan nga ang misis ni Talabon nga si Lorelie Talabon kag anak sini nga si Jelly Talabon Jr. ang una na nga napreso bangud sang pagduso sang iligal nga droga.