ILOILO CITY – Dakop sa ginpatigayon nga drug buy bust operation ang anay drug surrenderer kag isa ka beautician sa Barangay South Baluarte, Molo, Iloilo city
Ang subject sang operasyon amo si alyas Rene, 36 kag upod man sini nga gindakop si alyas Tonton, 25, beautician kag residente sang Barangay Kasing-Kasing, Molo, Iloilo City.
Sa interview sang Bombo Radyo kay Police Captain Gimel Acuesta, hepe sang Molo Police Station, iya ginpahayag nga si alyas Rene ang nag-surrender sang 2016.
Naglawig naman sang masobra duha ka semana ang surveillance sang mga otoridad antes nadakpan sin alyas Rene.
Nakuha naman sa posisyon sang mga ini ang 10 grams sang suspected shabu nga nagabili sang P68,000.
Sa subong, preso na ang mga ini sang Molo Police Station kag nagapangatubang sang kaso nga paglapas sa Republic Act No. 9165 ukon Comprehensive Dangerous Drugs Act of 2002.
