Nakapreparar na ang Department of Social Welfare and Development Field Office VI sang kabilugan nga Php146.7 million nga balor sang family food packs kag assistance para sa disaster response operations.
Sa interview sang Bombo Radyo kay Atty. Mae Rago- Castillo, spokesperson sang ahensya, iya ginpahayag nga ini ang may katumbas nga 114,568 family food packs nga nagabalor sang Php89.2 million kag P57-million naman ang non-food items.
Ang non-food items nagalakip sang family kits, sleeping kits, hygiene kits, kitchen kits, family tents kag modular tents.
Suno kay Castillo, sa subong, may yara sang 68 preposition sites sa Western Visayas.
Ini ginalakipan sang siyam sa Aklan; 11 sa Antique; 13 sa Capiz; lima sa Guimaras; 15 sa Iloilo; kag 15 sa Negros Occidental.
Dugang niya, na-activate naman ang Quick Response Teamn(QRT) agud magresponde sa sitwasyon.
