Ginadumilian sang Department of Social Welfare and Development (DSWD) ang presensya sang mga pulitiko kag ang materyales nga naangot sa sin-o man nga kandidato kun may tagtaganay sang assistance sa idalom sang Ayuda sa Kapos ang Kita Program (AKAP).
Base sa AKAP guidelines, ginsaad nga magapadayon ang ahensya sa pagpakig-partner sa local and national stakeholders agud nga malikawan nga ma-abuso ukon magamit ang DSWD kag ila mga personnel kag pondo para sa pamulitika.
“During the offsite implementation of the program, the DSWD will strictly prohibit: the display or distribution of posters, banners, or any materials that link any politicians to the AKAP as well as the presence of any politicians during the conduct of actual distribution of financial assistance under the AKAP,” santo sa guideline.
Ginpasa sang DSWD, Department of Labor and Employment (DOLE), kag National Economic and Development Authority (NEDA) ang Joint Memorandum Circular No. 2025-01 ukon ang implementing rules sa AKAP program sa Commission on Elections (Comelec) sang nagligad lamang nga Martes, Marso 4.
Ang AKAP isa ka kontrobersyal nga social protection program sa idalom sang DSWD nga nagahatag sang cash aid sa mga tawo nga wala sang access sa regular forms sang assistance bangud nga wala sila nalakip sa pinaka-imol nga parte sang populasyon.
Lakip sa ginahatag sa sini nga programa amo ang rice assistance, food assistance, medical assistance, funeral assistance, kag cash relief assistance.
Sa bahin naman sang Comelec, ginsiling sang chairperson nga si George Erwin Garcia nga ginatun-an sang law department sang komisyon ang nabaton nila nga guidelines antes maghimo sang rekomendasyon para sa implementasyon.
Ginsiling sini nga gamiton sang Comelec ang guidelines para sa kondisyon sang P882-million AKAP fund nga gin-request sang DSWD requested nga i-exempt ukon indi pag-ilakip sa spending ban sa May 2025 elections.
“Inaalam nating mabuti kung ‘yun bang mga benepisyaryo ay mapipili nang tama at the same time, yung mga ayuda lalo na ang AKAP ay madi-distribute…na hindi mate-take advantage ng mga politiko at kandidato,” suno sa chairperson. “Yun naman ang concern ng Comelec: basta dapat hindi ito napupulitika o magagamit sa pangangampanya o maituturing na pondo ng isang politiko.”
