Wala sang unified guidelines ang Department of Social Welfare and Development (DSWD) sa pagtumod sang beneficiaries sa ila igapanagtag nga cash assitance sa mga lugar nga apektado sang enhanced community quarantine (ECQ).
Sa interview sang Bombo Radyo kay May Castillo, spokesperson sang DSWD Region VI, iya ginpahayag nga nakadepende na sa kada local government unit (LGU) ang pag-strategize sa pagpili sang mga benepisyaryo nga panagtagan sang cash assistance.
Apang gin-athag ni Castillo nga nagahatag man sila sang pila ka mga panugyan sa kada LGU sa pagpili sang ila pumuluyo nga mangin benepisyaryo sang ayuda kaangay sang low income individuals kag pumuluyo nga kabahin sang vulnerable group.
Sa subong suno sa iya, ginahulat na lang nila nga mag-abot na ang pondo para sa cash assistance nga iga-transfer gilayon sa mga LGU.
