Nagpasalig ang Department of Social Welfare and Development nga mas mapadasig ang proseso sang pagpanghatag sang cash assistance paagi sa isa ka mobile application nga ila ginlunsyar.
Ini amo ang ‘Relief Agad’ application nga ginlunsyar sang Department of Social Welfare and Development kag sang Department of Information and Communications Technology nga makabulig agud himuon nga automated ang distribusyon sang bulig pinansyal sa idalom sang social amelioration program.
Suno kay Department of Social Welfare and Development Undersecretary Danilo Pamonag, dako ang mangin bulig sang nasambit nga application agud mas mapadali ang pagkuha sang ayuda sang mga pumuluyo bangud indi na nila kinahanglan pa nga magpila.
Dugang sang natungdan, na inspeksyon naman sang mga developers gikan sa Department of Information and Communications ang nasambit nga application agud masiguro nga nagsunod ini sa mga pagsulundan sang data privacy.
Lakip sa mga features sang application amo ang interface para sa electronic payment system agud mas mapadasig ang pagpanghatag sang cash assistance sa mga target nga benepisyaryo.
Paagi sa Rapid Pass Platform, magagamit ang Relief Agad Application sang crowdsourcing kag manual encoding ukon batch nga i-upload sang mga local government units.
Mahimo nga makaparehistro ang mga benepesyaryo kag ipadala ang ila detalye sa ila mga Local Government Unit kag Department Social Welfare and Development local field offices paagi sa mobile application.
