Nagpangabay sang paghangop ang DSWD Janiuay kasunod sang ginpa-Bombo sang pila ka mga tricycle drivers nga wala makabaton sang cash relief assistance.
Sa interview sang Bombo Radyo kay MSWDO Head Elizabeth Sevilla, ginpahayag sini nga ginatingwaan sang ila opisina nga matagaan sang bulig ang mga wala pa nakabaton nga mga tricycle drivers.
Suno kay Sevilla, isa sa mga rason kun ngaa may mga driver nga wala nakabaton bangud may iban nga nagdoble na ang mga pangalan nga nalista, apang kaisa lamang pwede maka-claim sang assistance.
May iban naman nga na-delay sa pag-submit sang ila mga requirements.
Nag-apelar naman ang alkalde sang Janiuay, Iloilo nga magpatigayon sang second batch kag tagaan sang bulig ang mga wala pa nakabaton sang assistance.
Nahibaluan nga naglab-ot na sa 820 ka mga tricycle drivers sa amo nga banwa ang nakabaton sang tig-₱5,000 nga cash relief assistance.
Dugang pa ni Sevilla nga indi na paghulaton nga ang deadline sa pagpasa agud nga indi na ma-delay ang pag-proseso sang mga dokumento.
