Gin-report sang Department of Social Welfare and Development (DSWD) nga may naka-standby pa ini nga 1.3 million family food packs (FFPs) para ma-augment sa kinahanglanon sang local government units nga naga-recover pa sa epekto sang nagligad nga mga bagyo kag sa mga posible maapektuhan sang paglaslas ni Super Typhoon Pepito.
Suno kay Social Welfare Secretary Rex Gatchalian, gina-produce sang DSWD ini nga food packs sa Central Luzon, Pasay City kag Cebu.
Ginapadasig man ang repacking efforts kag nagabakal sang pre-packed food packs bilang preparasyon sa super typhoon.
Suno naman kay DSWD spokesperson Irene Dumlao, naka-preposition ini sang 500,000 food packs sa Ilocos Region, Cagayan Valley, CAR kag Eastern Visayas amo man sa mga probinsya sang Quezon, Catanduanes, Camarines Sur, Camarines Norte kag Albay.
Naatrasar man ang byahe sang 30,000 food packs halin sa Visayas nga dal-on kuntani sa Bicol bagud suspendido ang byahe sa dagat bangud sa malain nga tyempo.
Sa pihak nga bahin, may 50,000 FFPs nga pagadal-on naman sa Cagayan, Quirino kag Isabela.
Base sa 2:00 am weather bulletin sang PAGASA, ulihi nakit-an ang sentro ni Pepito sa coastal waters sang Caramoan, Camarines Sur.
Dala sini ang kabaskugon sang hangin nga 185 km/h malapit sa sentro, pagmadlos nga tubtub sa 280 km/h, kag nagahulag sa direksyon nga pa-nakatundan naaminhan-nakatundan sa kadasigon nga 10 km/h.
Magapabilin ini bilang super typhoon ukon magnubo-nubo bilang typhoon samtang yara sa Aurora.
Gina-forecast nga sa buwas sa aga ukon sa hapon pa magaguwa sa Philippine Area of Responsibility si Pepito.
