Nagpalapit na ang Department of Social Welfare and Development (DSWD) sa Senado agud hingyuon nga amyendaran ang Republic Act 11310 ukon ang Pantawid Pamilyang Pilipino Program (4Ps).
Suno kay Senator Erwin Tulfo, nagsumiter si DSWD Secretary Rex Gatchalian sang mga gina-propose nga amyenda sa layi, kag nalakip diri ang pagkakas sang pito ka tuig nga limit sa enrollment sang 4Ps.
Base sa report sang DSWD, may 2.4 million ka benepisyaryo ang posible nga makakas sa 4Ps apisar wala pa nagmaayo ang ila kahimtangan, kun indi pa pagdulaon ang nasambit nga limitasyon.
Dugang pa ni Tulfo, luyag man sang DSWD nga ipasulod sa amyenda ang mas hugot nga regulasyon sa pagpili sang mga kwalipikado nga pamilya nga dapat hatagan sang cash grant.
Ini ang ginahinyo bangud may pila ka kaso sang pag-abuso sa programa, kag may mga benepisyaryo nga padayon nga ginahatagan apisar nabuligan na kag nag-umwad na ang pangabuhi.
Matandaan sa SONA ni Presidente Ferdinand Marcos, ginmandu ang expansion ukon pagpasangkad sang 4Ps para mapasulod diri ang mga homeless kag maprayoridad sa libre nga pagtuon sa kolehiyo ang kabataan sang mga benepisyaryo.
