Nagpaandam ang Department of Social Welfare and Development (DSWD) batuk sa mga nagapangyaguta sa mga Persons with Disability (PWD).
Ini matapos nga nag-viral ang isa ka episode sang podcast nga ‘Machong Chismisan’ kun sa diin ila nga ginpakahuy-an ang kondisyon sang bata ni Kris Aquino nga si Josh.
Suno kay DSWD spokesperson Assistant Secretary Irene Dumlao, indi dapat nga mangin source of entertainment ang kondisyon sang mga PWDs kag importante nga mangin respectful kag inclusive sa social media.
Kaangot diri, posible man nga magaatubang sang legal nga salabton ang mga tawo nga padayon nga nagapangyaguta, base sa nasaad sa Republic Act No. 7277 ukon Magna Carta for Persons with Disabilities.
Dugang pa ni Dumlao, kaangay sa mga media practitioners, may responsibilidad ang mga content creators nga magrespeto sa mga kinamatarong kag dignidad sang mga PWDs.
Text By: Bombo Kenea Hope Dellaba
