Nagpaandam ang Department of Social Welfare and Development (DSWD) sa publiko batok sa mga patalang nga facebook post nga nagasiling nga may ipanagtag nga Christmas bonus para sa mga benepisyaryo sang Pantawid Pamilyang Pilipino Program (4Ps).
Angot diri, ginhingyo ni Social Welfare Assistant Secretary Irene Dumlao sa mga benepisyaryo sang 4Ps nga indi pag-repost ang mga nasambit nga fake news kag mangin mahinalungon sa pag-click sang mga nagalapta nga link.
Ini nga advisory ang naangot sa “Tamang Tulong sa Tamang Impormasyon” (3TI) campaign nga nagatuyo protektahan ang publiko gikan sa misinformation ukon disinformation tuhoy sa mga programa kag serbisyo sini.
Gina-engganyo naman sini ang publiko nga i-report ang ano man nga indi kinaandan nga aktibidad nga kabahin sa programa kag serbisyo sang DSWD paagi sa Integrated Grievance Redress Management System (IGRMS) ukon sa opisyal nga 4Ps Facebook page.
