Nagpanagtag sang bulig ang Department of Social Welfare and Development (DSWD) sa mga sakayanon sa isla sang Guimaras matapos nag-expire ang franchise sang mga wooden-hulled motorbancas sa Maritime Industry Authority Region 6.
Sa interview sang Bombo Radyo kay Mayor Eugene Reyes, iya ginpahayag nga lakip sa mga ginpanagtag sang DSWD amo ang mga food pack, tablets, face mask, mga vitamin kag P3,000 sa kada sakayanon nga nadulaan sang trabaho.
Suno kay Reyes, ginapahitso man sa Local Government Unit sang Guimaras ang pondo nga kwarta nga bulig sang Department of Labor and Employment (DOLE) sa mga sakayanon agud mahatagan sila sang palangabuhian.
Matandaan nga sa subong, mga modernized boat na lang ang ginapahanugutan nga magbyahe sa Iloilo Strait.
