Nahatagan na sang Department of Social Welfare and Development (DSWD) sang tig-P5,000 nga cash aid ang kapin 1.5 milyon ka public utility vehicle (PUV) drivers kag riders sa bug-os nga pungsod.
Ini ginalakipan sang mga jeepney, tricycle, motorcycle, taxi, kag delivery drivers.
Suno kay DSWD Secretary Rex Gatchalian, padayon pa ang payout para sa mga benepisyaryo nga wala nadala sa una nga lista.
Ginpahayag man sini nga mas ginpaayo pa ang payout system paagi sa pagtalana sang separado nga venues kada transport network company agud mapadasig ang proseso.
Handa naman ang DSWD nga magpatuman sang digital payout sa masunod nga rounds sang ayuda bangud na-validate na ang mga lehitimo nga mga benepisyaryo.
