Naglab-ot na sa sobra ₱9.3 million ang kantidad sang ayuda nga ginhatag sang Department of Social Welfare and Development (DSWD) 6 sa mga probinsya nga naapektohan sang Bagyo Ferdie kag Habagat sa Western Visayas.
Sa interview sang Bombo Radyo kay Atty. Carmelo Nochete, Director sang Department of Social Welfare and Development Region 6, iya ginpahayag nga santo sa pinakabag-o nga datos sang ahensya, yara na sa ₱9,331,657.52 ang kabug-osan nga ayuda nga napanagtag tubtub sang Setyembre 15.
Suno kay Nochete, ang probinsya sang Antique ang nakakuha sang pinakamataas nga kantidad sang bulig nga yara sa ₱5,000,963.68.
Ginpatpat man sini ang Negros Occidental, ang nakadawat sang ₱3,473,570.80 nga kabug-osan nga ayuda.
Nagpasalig man sang DSWD 6 sa padayon nga pagbulig sa mga lokal nga gobyerno sa Western Visayas.
Nahibaluan nga ang Low Pressure Area (LPA) nga nagsulod sa pungsod amo na karon ang ginatawag nga Bagyo Gener.
