𝗡𝗘𝗚𝗥𝗢𝗦 — Padayon ang paghatag sang bulig sang Department of Social Welfare and Development (DSWD) Region VI sa mga naapektohan sang paglupok sang Bulkan Kanlaon sa Negros Island sang damlag lang.
Sa interview sang Bombo Radyo kay Atty. Carmelo Nochete, Director sang DSWD Region VI, iya ginpahayag nga naglab-ot na sa 1,651 ka mga pamilya ang ang naapektohan sang paglupok sang bulkan.
Suno kay Nochete, yara na sa 1,632 ka mga food packs ang napanaghatag sa mga naapektohan nga residente, sa diin, nagabalor ini sang ₱1,085,000.00.
Ginpahayag man sang natungdan nga 98.85% sa mga naapektohan sa palibot sang Kanlaon ang sarang nga nahatagan sang mga bulig paagi sa family food packs.
Nag-deploy naman ang ahensya sang Mobile Command Center sa Negros, isa ka teknolohiya nga may satellite internet, duha ka laptop, duha ka printer scanner, cameras, generators, kag dalagko nga mga power banks agud magamit sa mga lugar nga naagyan sang paglupok sang Bulkan Kanlaon.
