ILOILO City–Wala sang namonitor nga dako gid nga pagsaka sang presyo sang mga balaklon sa bilog nga Western Visayas.
Sa interview sang Bombo Radyo kay Department of Trade and Industry (DTI)-6 director Rebecca Rascon, may yara sang gamay nga pagsaka sa pila ka mga presyo sang balaklon.
Wala man sang ginapatuman nga prize freeze diri sa syudad sang Iloilo magluwas lamang sa Boracay matapos nga ginpaidalum sa state of calamity.
Madamo sang mga factor kun nga-a nagamahal ang balaklon sunu kay Rascon.
Isa na diri ang pagbaylo-baylo sang tyempo nga makaapekto sa mga produksyon sang utanon kag iban pa nga mga agricultural products.
Bangud nga ber months na sunu kay Rascon lauman ang pagsaka pa gid sang presyo sang mga balaklon apang ginapat-udman sang DTI nga wala sang may magpamentaha nga negosyante.
Ginahingyo naman ni Rascon sa publiko nga batu-an ang pagmahal sang mga balaklon pinaagi sa pagpataas sang produksyon.
Sa subung, nagapakig-angot ang DTI sa Department of Agriculture (DA)  sa pagpatigayon sang price monitoring sa mga agricultural products.
Nagpaandam naman ang DTI batok sa mga nagapamentaha nga mangubaligya diri sa syudad sang Iloilo.
Ginpahayag Rascon nga nalakip sa ila monitoring amo ang christmas lights kag palupok.
Sunu kay Gascon, kinahanglan may yara sang import Commodity Clearance kag PS mark ang mga ginabligyan nga mga christmas lights.
Target nila amo ang mga nagabaligya sa mga kilid sang dalan.
Magluwas sa DTI may yara man sang mga personel ang Fair Trade Bureau nga nagapanakop sang mga nagapamentaha nga negosyante.