Ginaduso sang Department of Trade and Industry (DTI) nga ang mga nabakunahan lang batok sa COVID-19 ang pahanugutan nga makasulod sa dine-in in restaurants kag personal care services establishments sa mga lugar nga napaidalom sa mas istrikto nga quarantine measures.
Suno kay Trade Secretary Ramon Lopez, makaluluoy na ang mga dine-in workers nga nagakalatnan sang virus sa diin kapin 1 million nga trabaho kag P1.5 billion revenues ang nagakadula kada semana sa National Capital Region (NCR) sa tion nga ipaidalom sa lockdown.
Magluwas diri, kapin 200,000 nga trabaho sa sector sang personal care services sa NCR ang naapektuhan man sang lockdown.
Agud mapunggan ang pagsaka sang kaso sang COVID-19 ilabi na ang severe critical (cases) kag malikawan man ang paglala sang sitwasyon sa mga intensive care unit (ICU), nagapati ang DTI nga nagakadapat mga bakunado na lang ang pahanugutan nga makasulod sa pila ka mga establisyemyento komersyal.
