Ginkwestyon sang mga Senador ang Department of Trade and Industry (DTI) matapos mahibaluan nga wala sa gihapon gin-revoke sang Philippine Contractors Accreditation Board (PCAB) ang lisensya sang Wawao Builders kag Syms Construction Trading, mga kompaniya nga may kahilabtanan sa flood control anomalies.
Sa hearing sang 2026 national budget sang DTI sa Senate Subcommittee on Finance, ginbuyagyag ni Senator Imee Marcos, chairperson sang komite, nga aktibo sa gihapon ang PCAB license sang Wawao Builders sa pihak sang ila lifetime ban halin sa Department of Public Works and Highways (DPWH).
“Buhay na buhay pa rin ang kanilang PCAB license,” pahayag ni Marcos. Ganito rin umano ang sitwasyon ng Syms Construction, na “wala ring ni-revoke” kahit paso na ang lisensya noong Oktubre.
Suno kay PCAB Executive Director Sergie Retome, indi pa sila makahulag bangud wala pa sang bag-o nga myembro ang PCAB board matapis magbuya sa pwesto ang tatlo ka mga anay myembro.
Dugang pa, isumiter nila ang rekomendasyon sang license revocation kun may na-appoint na nga bag-o nga board.
Ginpakamalaot man ni Marcos ang Construction Industry Authority of the Philippines (CIAP) nga may supervisory function sa PCAB.
Suno sa iya, daw wala sini nahimo ang ila katungdanan bilang regulatory body.
Samtang, ginsiling naman ni Senator Sherwin Gatchalian, Chair sang Senate Committe on Finance nga ginadumilian sa gihapon ang mga shareholders sang mga kompaniya nga na-ban, agud indi na sila makabalik sa mga government projects gamit ang bag-o nga company.
Ginpunto man ni Gatchalian ang kaso sang pamilya Discaya nga ginaalegar nag-ilis lamang sang pangalan sang kompaniya apang mga himata sa gihapon ang tag-iya.
