Gilayon nga ginpatuman sang Department of Trade and Industry (DTI) ang automatic price freeze sa tanan nga mga balaklon matapos gindeklarar ni President Ferdinand Marcos Jr. ang state of national calamity bangud sang halit nga gintuga ni Bagyo Tino sa Visayas kag Mindanao.
Suno sa DTI, magapadayon ang price freeze sulod sang 60 ka adlaw agud masiguro nga indi magtaas ang presyo sang mga balaklon sa mga apektado nga lugar.
Pahayag pa sang ahensya, padayon sila nga makigsapol sa mga manufacturer, retailer, kag distributor agud mamentenar ang enough nga suplay sang mga balaklon kag prime commodities.
Ginsiguro man sang DTI nga ang ila mga regional kag provincial offices ang naka-alerto kag nakahanda sa pagpatuman kag pagbantay sa pagsunod sang mga establisimyento sa price freeze.
