ILOILO CITY – Nag-umpisa na sa paglibot ang Department of Trade and Industry agud i-monitor ang presyo sang mga face shield.
Sa exclusive interview sang Bombo Radyo kay Felisa Judith Degala, director sang Department of Trade and Industry Iloilo, iya ginpahayag nga indi nila katungdanan ang pag monitor sa presyo sang face shield.
Suno kay Degala, ang mga presyo lang kuntani sang basic kag prime commodities ang ila gina monitor.
Apang suno sa natungdan, wala na sang isyu sa kun sino ang may katungdanan sa pag-monitor sa presyo sang face shield kaangay man sang ila pagbantay sadto sa presyo sang alcohol kag face mask.
Gin-athag ni Degala nga sa subong, amat-amat na nga naga ubos ang supply sang face shield.
Ginpahayag sang natungdan nga indi sila makapatuman sang suggested retail price sang face shield bangud nagadepende ini sa kalidad.
Sa paglibot naman sang Bombo Radyo sa mga nagabaligya, mahimo mabakal ang face shield sa presyo nga P100.00
