ILOILO CITY – Magabulig lamang ang Department of Trade and Industry sa Department of Health sa monitoring tuhoy sa price control ukon price freeze sa basic necessities.
Ini ang kasunod sang ginpaguwa nga memorandum circular no. 2020-0058 sang Department of Health may kaangtanan sa Coronavirus Disease 2019 (COVID-19).
Sa interview sang Bombo Radyo kay Felisa Judith Degala, Officer-in-Charge sang Department of Trade and Industry 6, iya ginpahayag nga ang mga produkto lamang nga sakop sang ahensya amo ang fish products, processed milk, kandila, kape, habon, tinapay, asin, bottled water kag locally made noodles.
Ang mga medical products naman suno kay Delaga ang sakop naman sang Department of Health apang bangud nga may yara sang memorandum nga ginpaguwa si Sec. Francisco Duque III, magabulig ang Department of Trade and Industry sa pagpatuman sang monitoring kag price control.
Sa pagkamatuod suno kay Degala nga humalin sang naglupok ang Taal volcano, may yara na nga ginapatuman nga price control sa basic commodities.
Ginpahayag sang natungdan nga kun pagpasaka naman sang kaso ang pagahambalan may kaangtanan sa paglapas sa Republic Act 7581 ukon The Price Act, ang Department of Health na ang may katungdanan kun medical supplies ang pagahambalan samtang ang Department of Trade and Industry naman sa nagabaligya sang basic commodities.
Sakop sang price control amo ang tanan nga commercial establishment lakip na ang legitimate online sellers.
Nahibalu-an nga santo naman sa monitoring sang Bombo News Team, halos wala na sang may nabilin nga 70% alcohol sa mga mall sa syudad sang Iloilo.
Ang supply naman sang 40% alcohol kag sanitizers ang tuman na gid lang ka gamay bangud sa panic buying.
