Nagpasalig ang Department of Trade and Industry (DTI) nga ipaguwa nila ang price guide para sa mga Noche Buena items sa tunga-tunga sang Nobyembre.
Suno sa DTI, may 237 ka mga items ang sakop sang price guide, kon sa diin, ang amo nga mga produkto ang indi mapaidalom sa price control.
Ginpahayag man ni DTI Fair Trade Group supervising head Assistant Secretary Agaton Uvero nga sa subong, ginahulat nga matapos ang listahan nga magasakop sang 237 ka items para sa Noche Buena.
Nagpaathag man ini nga wala nagapatuman sang SRP ukon price control ang DTI sa amo nga mga produkto.
Dugang pa, ang DTI nagsiling nga katunga sang mga nasakop nga mga items sang Noche Buena ang wala ginalauman nga may pagtaas sa presyo.
