Mahatag sang dugang nga 30 million washable face masks ang Department of Trade and Industry sa mga biktima sang bagyo sa ila nga proteksyon batuk sa COVID-19.
Suno kay Department of Trade and Industry Sec. Ramon Lopez, na-umpisahan na sang ahensya ang pagpanagtag sang face masks sa bulig sang Office of Civil Defense.
Pahayag niya, masobra 1.5 billion na nga mga face masks ang nahatag sang ahensya sa bug-os nga Pilipinas.
Samtang suno naman sa Department of Health, padayon ang ila monitoring sa sitwasyon sang mga evacuation centers agud masiguro nga ginasunod sa gihapon ang health protocols subong nga may pandemya.
Ang mga evacuees nga makitaan sang sintomas ang kinahanglan nga magpaidalom sa antigen testing agud nga malikawan ang paglapta sang virus.
