Ginlunsar sang Department of Trade and Industry (DTI) ang labing-una nga Philippine National Standard (PNS) para sa Christmas star lanterns ukon mas kilala nga mga parol.
Nakabutang ini sa PNS 2296-1:2025 – Lamps and Related Equipment – Part 1: Construction and Marking Requirements, nga gin-develop nga may kolaborasyon sa global safety organization nga UL Standards & Engagement (ULSE).
Sa sini nga standards, gindetalye ang construction and marking requirements agud masigurado nga ang mga parol nga ginahimo para sa Paskuwa ang safe bisan yara sa sulod sang balay ukon pasilidad, ukon sa guwa sini.
Suno kay Trade Secretary Christina Roque, ang bag-o nga polisa amo ang magabulig sa mga magahimo sang parola agud masiguro man ang kalidad sang ila nga produkto kag para nga maka-compete man ini sa hinimuan sang iban.
Pahayag pa sang tiglikom, isa man ini ka pagpakita sang suporta para sa local manufacturers sa idalom sang Tatak Pinoy brand.
“More than ensuring product safety, these standards uplift our parol makers whose craftsmanship reflects Filipino pride,” pahayag sang opisyal.
Nahibaluan nga ang DTI paagi sa Bureau of Philippine Standards (BPS) ang may yara sang mandato sa idalom sang layi nga mag-develop, mag-implementar, kag mag-coordinate sang standardization activities sa bilog nga Pilipinas.
Nagaserbe man ang BPS bilang national standards body sang pungsod
