Nagapanawagan ang Department of Trade and Industry (DTI) sa mga consumer nga pasulabihon ang local products subong nga Paskuwa agud nga masuportahan ang domestic businesses kag producers.
May ginpaguwa man si Trade Secretary Alfredo Pascual nga tips subong nga Christmas season.
Lakip diri ang pagpartisipar sa Kadiwa ng Pasko trade fairs nga may tuyo nga mag-provide sang barato nga agricultural products kaangay sang bugas, kalamay, ulutanon, prutas, isda, seafood products, kape, processed milk, instant noodles, condiments, local bags kag footwear.
Kun mag-shop sa Kadiwa ng Pasko Centers, ginasuportahan man suno sa ahensya ang local farmers, fishermen, manufacturers, kag amo man ang micro, small and medium enterprises.
Isa man sa tip suno kay Pascual amo ang pagplano na nga daan kun ano ang baklon, kag pag-take advantage sa holiday promos, discounts kag sales, kag paggamit gid sang Suggested Retail Price bulletin kag Noche Buena Price Guide.
Suno pa kay Pascual, agud nga makahatag sang guidance sa consumers kag magbulig sa ila nga makahimo sang informed choices, padayunon man sang ahensya ang pamonitor sa presyo sang basic necessities kag prime commodities subong Christmas season.
