ILOILO – Nagpaathag ang Department of Trade and Industry (DTI) sa rason sang pagsaka sang presyo sang baboy.
Sa exclusive interview sang Bombo Radyo kay Felisa Judith Degala, director sang DTI-Iloilo, iya ginpahayag nga kaupod ang Department of Agriculture, nagapatigayon sila sang price monitoring sa presyo sang produkto sang karne sang baboy sa merkado.
Suno kay Degala, ang rason sang kakulang sang suplay sang karne sang baboy sa Iloilo amo ang pagkumpra sang mga taga Manila.
Bangud sini, nagtaas ang demand sa Iloilo sa produksyon sang baboy kag naganubo naman ang suplay para sa mga lokal nga mga manugbakal.
Yari ang price range sang baboy nga nagsaka:
Pork chop – P230 – P255/kg
Pork liempo – P240 – P270/kg
Tiil sang baboy – P290/kg
Pigue – P232/kg
Pork steak – P278/kg
Lakip sa mga merkado suno kay Degala nga ila ginamonitor amo ang Iloilo Terminal Market, Central Market kag mga Grocery Supermarket.
