Gin-release na sang Department of Trade and Industry (DTI) ang bag-o nga suggested retail price (SRP) bulletin para sa basic necessities and prime commodities.
Nakit-an sa bulletin nga 77 gid sa 191 stock-keeping units (SKUs) ang may pagsaka sa presyo.
Lakip diri ang canned sardines (7), condensed milk (1), evaporated milk (1), powdered (1), coffee refill (5), coffee 3-in-1 (4), bread (2), instant noodles (3), candles (5), luncheon meat (1), meat loaf (1) corned beef (4), beef loaf (3), salt (6), bottled water (5), condiments (15), toilet soap (6), detergent and laundry soap (6), kag battery (1).
Ang saka sa presyo sang sardinas nagtupa sa P0.90 to P2.73 samtang P0.10 tubtub sa P0.50 naman para sa instant noodles.
108 items naman ang wala nag-ilis sang SRP apang talalupangdon ang reklamo sa “shrinkflation” ukon ang pagbuhin sa kadakuon sang produkto apang amo lang gihapon ang presyo.
Una nga ginpahayag sang DTI nga wala na sang pending request para sa SRP adjustment nagikan sa manufacturers sang basic and prime commodities.
