ILOILO CITY– Naplastar na sang Department of Trade and Industry ang mga benepisyo para sa mga negosyante nga apektado sang Coronavirus Disease 2019.
Sa interview snag Bombo Radyo kay Department of Trade and Industry 6 Director Rebecca Rascon, iya ginpahayag nga luyag sang ahensya nga makabulig sa mga negosyante agud makabawi sa ila kapiyerdihan bangud sa pandemic.
Suno kay Rascon, may yara sang programa ang ahensya nga ginatawag P3 enterprice rehabilitation fund.
Ginpahayag ni Rascon nga eligible nga makahulam sang kwarta kun nalakip sa micro tubtob micro small nga negosyo sa diin ang kapital ang yara sa P3 Million panubo, P15 Million below naman ang para sa small enterprises kag P15 tubtob P100 Million naman para sa medium enterprises.
Ang nasambit nga lihok ang makabig nga post quarantine program para sa mga negosyante kag sa subong, ginatan-aw na kun sin-o ang mga kwalipikado.
Ang small business corporation ang nagapanguna para sa nasambit nga programa kag lakip man sa kwalipikasyon amo nga ang negosyo ang padayon nga naga-operate sa sulod sang isa ka tuig antes pa man ang pandemic.
