Pabor ang Department of Trade and Industry (DTI) nga panubuan ang quarantine status sang pungsod sa Alert Level 1 agud nga mabuksan naman ang madamo pa nga negosyo kag trabaho kadungan man sang pagnubo sang kaso sang COVID-19.
Suno kay DTI Undersecretary Ruth Castelo, kun plano nga panubuon sa Alert level 1 ang Pilipinas, kinahanglan nga amat-amat ini nga ipatuman bangud man sa pagpamahog sang COVID-19.
Sa subong, ang National Capital Region (NCR) kag iban pa nga mga probinsya ang yara sa idalom sang Alert Level 2 humalin sang Pebrero 1- Pebrero 15.
Sa Alert Level 2, ang mga establishemento kag mga aktibidad ang yara lang sa 50% indoor capacity para sa fully vaccinated adults kag minors, kag 70% outdoor capacity bisan pa nga unvaccinated.
Apang, kun sa idalom naman sang Alert Level 1 ang pungsod, tanan nga establishemneto, tawo kag ano man nga mga aktibidad ang tugutan na nga mag-operate kag pahanugutan na ang full-site capacity.
Suno kay Castelo 1.5 million ka mga negosyo ang maka-operate sa full capacity kun mas pahalugan ang quarantine restrictions sa pungsod.
