Nagaproblema ka bala sa nagalala nga falling hair ukon pagkala-unot sang buhok?
Kun manghusay ka bala madamo nga buhok ang nagasunod?
Kabalo ka bala kun ano ang rason sang pagkala-unot sang buhok?
Suno kay Dr. Jean Marquez isa ka dermatologist sa DARE dermatology, aesthetics, and restoration clinic, iya ginpahayag nga ang stress, hormonal imbalance, iron deficiency kag hyperthyroidism ang rason sang hair fall.
Dugang pa ni Marquez, mas dako ang posibilidad sapagkala-unot sang buhok sa mga estudyante bangud masami sila nga stress sa eskwelahan.
Nagpanugyan si Marquez nga mas maayo nga magp kunsulta sa dermatologist agud mahatagan sang naga-igo nga pagbulong.
Apang kabalo ka bala nga may yara sang mas mahapos kag simple nga pama-agi agud amat-amat nga masolusyunan ang pagkala-unot sang imo buhok.
Gin-athag ni Dr. Marquez nga ang duga sang bombay kag dahon sang bayabas ang sarang makabulig sa pag solbar sa pagkala-unot sang imo nga buhok.
Ang bombay may yara sang madamo nga calcium, magnesium kag iron nga may maayo nga epekto sa aton nga ikaayong lawas kag sa aton nga buhok.
Samtang ang bayabas naman ang manggaranon sa B complex, bitamina C nga nagabulig sa aton nga immune system kag nagapabaskog sa aton nga buhok.
