ILOILO CITY – Ginkumpirma sang Iloilo City Government nga maabot na sa bulan sang Hulyo ang 150-200 ka mga modernized jeepney nga magabyahe sa syudad.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office (PSTMO), iya ginpahayag nga amat-amat na nga maabot ang mga unit sang modernized jeepney kag sa sulod sang isa ka tuig, makumpleto na ang 1, 767 nga unit nga required sang LPTRP.
Sa tion nga makumpleto na ang modernized jeepneys, makita na ang concept sang LPTRP sa syudad.
Bangud sini suno kay Conlu, amat-amat naman nga dulaon ang mga traditional jeepneys.
Nahibaluan naman sang mga kooperatiba ang programa sang Department of Transportation (DOTr) nga modernization program gani todo naman ang ila nga pagpanghanda.
