MANILA – Plano sang Department of the Interior and Local Government nga mag-recruit sang 50,000 ka contact tracers bilang kabahin sang pagpasangkad sang COVID-19 response sang gobyerno.
Suno kay DILG officer-in-charge kag Undersecretary Bernardo Florence Jr., ang additional manpower ang kinahanglan sang 85,000 ka contact tracers nga gin-deploy sa bug-os nga pungsod.
Ginpahayag ni Florence nga ang nasambit nga lihok ang kasunod sang pagpasar sang Kongreso sa Bayanihan to Recover as One (Bayanihan 2) bill nga nagahatag sang gahum kay Presidente Rodrigo Duterte sa pag-realign sang pondo may kaangtanan sa coronavirus crisis.
P5 billion gikan sa P140-billion fund ang gintalana para sa mas ginpasangkad nga contact tracing efforts bilang pagsunod sa rekomendasyon sang Department of Health nga 1 contact tracer per 800 people.
Ang hiring sang contact tracers ang pangunahan sang tagsa ka regional office sang nasambit nga ahensya sa bulig sang Local Government Units kun sa diin mas ginapasulabi ang mga aplikante nga nakatapos sang medical kag criminology courses.
Ang sweldo sang contact tracers sa kada bulan ang yara sa P18,000 tubtub P20,000 nga may 5 percent premium pay.
