MANILA – Magalab-ot sa 1.7 million nga newborn babies ang ginalauman nga ma record subong nga tuig bangud sa ginapatuman nga lockdown sa Pilipinas.
Santo sa forecast sang Commission on Population (PopCom), ang 1.7 million ang mahimo pa nga madugangan sang 214,000 nga lapsag ang igabun-ag antes matapos ang tuig.
Suno kay PopCom executive director Juan Antonio Perez III, mahimo nga madugangan sang 1.91 million ang kabug-usan nga populasyon sang Pilipinas subong nga 2020.
Ginpahayag ni Perez nga isa sa mga rason amo nga indi makapadulong sa health centers ang mga iloy agud nga makakuha sang contraceptives.
Ang lockdown suno kay Perez ang nakaapekto sa family planning services sa first half sang 2020.
Apisar sini, ginpahayag sang natungdan nga ang contraceptives ang available sa health centers para sa registered users agud nga malikawan ang unplanned pregnanies.
Magluwas diri, mas ginpasangkad sang PopCom ang information campaign sa mga mag-asawa.
