May ikasarang gid ang mga Pilipino ilabi na ang mga opisyal sang Pilipinas nga magbalus pinaagi sa mga tinaga batok sa China sa idalom sang Free Speech Protection sang Konstitusyon, ilabi na subong nga tuman ka init ang tension sa tunga sang duha ka pungsod.
Kasunod ini sang nagapadayun nga diskusyon sa West Philippine Sea kag sa ginpangbuy-an nga statement ni Chinese envoy Jing Quan batok sa ikasarang sang Pilipinas.
Sa interview sang Bombo Radyo kay Atty. Michael Yusingco, isa ka Constiutional law Expert , iya ginpahayag nga apisar sang ikasarang sang mga Pilipino kag sang mga mamalidha nga sabtun sang malain nga tinaga ang China, mas maayo nga mahatagan na lang sang nagakaigo nga atensyon ang pagpasar sang nagakaigo nga budget para sa Armed Forces of the Philippines Modernization Program.
Ini bangud makabig sa gihapon ang Pilipinas nga may isa sa pinakamaluya nga pwersa sang Navy sa bilog nga kalibutan, apisar pa nga isa ka archipelagic kag coastal state ang pungsod.
Suno kay Yusingco, dapat nga mangin maisog ang mga mamalidha nga pataasan ang iga-alokar nga budget sa AFP agud mas maayo ang ila nga mangin serbisyo, pwersa, kag magresulta sa mas hugot nga proteksyon sa kadagatan sang Pilipinas.
Apang paandam man niya sa mga opisyal, importante nga magkadto gid sa natungdan nga ahensya an
