Target ni President Ferdinand Bongbong Marcos, Jr. nga makapangita sang potential partners sa Switzerland para sa iya nga plano sa agrikultura kag sa pag-develop sang imprastraktura sa pungsod.
Suno sa presidente, luyag niya i-posisyon ang Pilipinas bilang gateway sa Asia-Pacific region.
Ginpahayag man sini nga bukas para sa negosyo ang Pilipinas kag handa nga mag-complement sa regional kag global expansion plans sang foreign kag Philippine-based enterprises.
Kaupod sang presidente sa iya nga byahe sa World Economic Forum sa Switzerland ang delegation sang economic managers kag business leaders.
Kasunod sini, nagpahayag naman ang mga ekonomista nga isa ka maayo nga oportunidad ang conference sa Switzerland agud nga ma-attract ang gobyerno sang dugang nga foreign investment kag makahatag sang trabaho sa mga Pinoy.
Ginapahayag man nga magahatag ini sang dugang nga oportunidad sa Pilipinas nga ma-diversify ang exports, makapangita sang mga pungsod nga posible nagakinahanglan sang overseas Filipino workers, kag makaangkon sang multilateral funding para sa key projects sang gobyerno. ##
